twilight3.jpgtwilight1.jpgtwilight2.jpg
Сишәмбе, 11 Декабрь 2018 11:08

12 декабрьдә Уфада  башкорт шагыйре, әдәбият галиме, күренекле җәмәгать эшлеклесе, Башкортстан Республикасы Гимның язучы авторларның берсе Раүил Бикбаевка 80 яшь тулуга багышланган тантаналы чаралар уза. Чараларда  Татарстаннан драматург, Татарстан Язучылар берлеге рәисе Данил Салихов  һәм Татарстанның халык шагыйре Роберт Миңнуллин  катнаша.

Сишәмбе, 13 Ноябрь 2018 11:55

 

12-14 ноябрьдә Казанда КФУның Филология һәм мәдәниятара багланышлар институтында әдипләр Аяз Гыйләҗев һәм Чыңгыз Айтматовның 90 еллыгына багышланган «Аяз Гыйләҗев: дөнья мәдәниятләрендә әдипнең мирасы» һәм «Шәрык һәм гарәп традицияләре контекстында Чыңгыз Айтматов иҗаты» халыкара фәнни-гамәли конференцияләре уза.

Конференция кунакларын сәламләү сүзендә драматург, Татарстан Язучылар берлеге рəисе Данил Салихов: «Халык өчен, милләт өчен, тел өчен көрәшкән ике олуг шәхесне монда килгән төрки халыкларның галимнәре дә, язучылары да бик яхшы белә. Аяз Гыйләҗев гомере буе туган тел, татар әдәбияты һәм мәдәнияте дип яшәгән кеше. Ә Чыңгыз Айтматовның туган халкына дан җырлавы җир йөзендәге бөтен халыкларны әдипнең үзенә каратты.

Без бу ике шәхес алдында түбәнчелек белән баш иябез», – диде.

 Шагыйрь, Татарстан Республикасының Мәдәният һәм Татарстан халыклары телләрен үстерү идарәсенең бүлек мөдире Рүзәл Мөхәммәтшин Аяз Гыйләҗев һәм Чыңгыз Айтматов үз халыклары тарихын дөнья аренасына чыгарган шәхесләр дип саный. Ул Аяз Гыйләҗев белән Чыңгыз Айтматовның тәүге әсәрләреннән алып соңгысына кадәр үз фикерләрендә намуслы, гадел, көчле булып калуын әйтте. «Алар үз халыкларының милли риваятьләреннән һәм җырларыннан илһамланып, тормыш көнкүрешеннән рухланып, халыкларының мәдәниятен, сәнгатен, тарихын дөнья аренасына чыгарган шәхесләр. Бу затларның иҗаты шулкадәр киң, аларны өйрәнеп, кичереп бетерергә мөмкин түгел, ләкин моңа омтылырга кирәк», –диде Рүзәл Мөхәммәтшин.

 

 

 

 Динә Йосыпова («Татар-информ») мәкаләсенә нигезләнеп. Салават Камалетдинов фотолары)

Җомга, 26 Октябрь 2018 10:07

 

 

2018 елда Саҗидә Сөләйманова премиясенә лаек булган каләм ияләре:

  • Төп премияләр: Рәшит Бәшәров («Былбыл оясы» хикәяләр җыентыгы өчен), Гөлзада Бәйрәмова( «Дөнья шигырь яздыра» шигырьләр җыентыгы өчен), Рәфкать Шаһиев ("Сагыну исе» хикәяләр җыентыгы өчен);
  • Кызыксындыру премияләре: Екатерина Аничкина («Лунный блюз» җыентыгы өчен) , Евгений Турхан («Парала» җыентыгы өчен), Гөлүсә Батталова («Бер йортым бәхет» җыентыгы өчен)
  • Стипендиатлар: Гүзәл Закирова, Александр Усатов, Сәрвиназ Шәйхулова, Алинә Ипоева, Миләүшә Нигъмәтуллина, Светлана Южакова, Римма Фәррахова, Ратмир Латыйпов, Чулпан Мөбәрәкшина, Екатерина Кулагина

Әлмәттә  премия тапшыру уңаеннан узган чараларда Татарстан Язучылар берлеге рәисе Данил Салихов, шагыйрьләр Ркаил Зәйдулла, Рәмис Аймәт, Марсель Галиев, Эльмира Шәрифуллина, композитор Мәсгуть Имашев, Саҗидә Сөләйманованың туганнары, Әлмәт хакимияте, «Татнефть» компаниясе җитәкчеләре, күренекле җәмәгать эшлеклеләре. укучылар катнашты.

 

 

 (Салават Камалетдинов фоторәсемнәре. «Татар-информ» агентлыгы. Чарадан тулы фоторепортаж агентлык архивында)

Союз писателей РТ