Чәршәмбе, 14 Ноябрь 2012 14:32

Чыңгыз Мусин “Карт юкәләр яшь чәчәктә”

Rate this item
(0 votes)

 

      Чыңгыз Мусинның әлеге китабында күбесенчә соңгы елларда язылган шигырьләре урын алган. Аларда авторның туган җиргә, аның табигатенә мәхәббәте тасвирлана. Шулай ук шагыйрьнең юмористик-сатирик шигырьләре, җырлары да әлеге җыентыкта туплап бирелгән.

 

 Китаптан өзек:

       Шагыйрьләр авылда туалар, шәһәргә шуалар, диләр. Ә безнең Чыңгыз ага Мусин – Әгерҗе рай онының Мордывый авылында туып, шунда яшәп, шул ук вакытта иҗат белән дә шөгыльләнеп, Казанда китаплар нәшер итеп, гомеренең алтын көзенә килеп җиткән бәхетле шагыйрь. Бәхетле диюем юкка гына түгел. Гади шофёр, механик, тәэминатчы, автоколонна начальнигы булып эшләгән, мәшәкатьле тормыш белән яшәгән «авыл агае»ның сигезенче китабы дөнья күрүе бәхет түгелмени?! Халык китап укымый дигән заманда да Чыңгыз аганың җыентыклары китап киштәләрендә тузан җыеп ятмый. Шигырьләрен район сәхнәләрендә сөйлиләр, шагыйрьнең үзен мәктәпләргә, китапханәләргә очрашуларга чакыралар.

         (Мусин Ч. Карт юкәләр яшь чәчәктә. Татарстан китап нәшрияты, 2012).

 

Read 778 times Last modified on Пәнҗешәмбе, 18 Сентябрь 2014 21:47
Союз писателей РТ