Админ

Җомга, 24 Август 2018 14:00

Республика көнен каршылап

 

 

Чаллы шәһәренең үзәк китапханәсендә якынлашып килүче бәйрәм – Татарстан Республикасы көне уңаеннан бик матур шигъри-музыкаль кичә үтте.  Кичәдә Татарстан Язучылар берлегенең Чаллы бүлеге җитәкчесе Факил Сафин, берлек әгъзалары Мансур Сафин, Сирень Якупова, Рәзинә Сәетгәрәева, Рубис Зарипов, «Ләйсән» берләшмәсе иҗатчылары Зөлфия Нигманова, Роза Хәмидуллина, Рушания Гыйләҗева, Әлфия Габдрашитова, Зимфира Исламова, күпсанлы китап укучылар, балалар катнашты. Күтәренке рухта узган очрашу дәвамында туган як, туган тел, туган ил турында шигырьләр яңгырады, бик мәгънәле фикерләр, теләкләр әйтелде.

Шәһәрнең танылган сәхнә осталары Рубис Зарипов, Зөлфия Җиһан,  Илсөяр Зарипова Чаллы шагыйрьләре сүзләренә язылган җырларын башкарды.

Бәйрәмгә килгән һәркемнең китап күргәзмәсе белән танышу мөмкинлеге булды. Әдәби мәйданда ирекле микрофон эшләде, каләм тибрәтүче тамашачылар уй-хисләрен  шигьри юллар аша да җиткерде.

 

 

Дорогие друзья!

Завтра  – 25 августа в 8.45 состоится возложение цветов к памятнику известному татарскому политическому и общественному деятелю Садри Максуди в Казани. Памятник установлен на территории парка «Стамбул», разбитого в 2013 году на пересечении улиц Чистопольской и Г. Абсалямова.

На мероприятии примут участие писатели, известные общественные деятели, гости из Турции.

Приглашаем вас принять участие на торжественном мероприятии.

 

Кадерле дуслар!

Иртәгә  – 25 августта 08.45 сәгатьтә күренекле  татар хокукчысы, дәүләт һәм җәмәгать эшлеклесе Садри Максудиның Казанның «Истанбул» паркындагы һәйкәленә чәчәкләр салу тантанасы була. Тантанада язучылар, күренекле җәмәгать эшлеклеләре, Төркиядән килгән дәрәҗәле кунаклар катнаша.

«Истанбул» паркы Казанның Чистай һәм Г.Әпсәләмов урамнары киселешендә урнашкан.

Сезне әлеге чарада катнашырга чакырабыз!

ҮЛЕМГӘ ҺӘМ ҮЛЕМСЕЗЛЕККӘ ТАБА

114 АДЫМ

«Рейхка каршы корткычлык эше алып барганнары өчен үлем җәзасына хөкем ителәләр...»

«Без Туган ил алдында бурычыбызны үтәдек...»

«Германия халкы алдында без түгел, сез, Гитлер палачлары, гаепле...»

«Бу большевиклар пропагандасы...»

«Җәберләмәделәрме?..»

«Фашизмны җиңү өчен кулыбыздан килгән кадәр эшләрбез...»

«Сезне барыбер фюрерга хезмәт иткән диячәкләр...»

«Без үз илебез алдында бурычыбызны үтәдек...»

«Синең белән нәрсә турында сөйләшим? Мин – коммунист, син – фашист!..»

«Көрәшне дәвам итә алмавыбыз өчен үкенәбез...»

«Шагыйрь күп яза, әмма язганнарын ертып ташларга мәҗбүр...»

 «Мин гади солдат, яшерен оешма һәм листовкалар турында берни дә белмим...»

«Миңа һөҗүм иткән намуссызлар үз җәзасын алачак...»

«Безне үтерерләр дип уйламадык…»

«Кем сызгыра?..»

Муса Җәлил һәйкәле янында

ХХ гасырның иң шомлы вакыйгалар куемтысы эченнән тавышлар кайтавазын тыңлыйк.

Һәм аларның ияләрен искә алыйк.  

 

 

  Кадерле дуслар!

2018 елның 28 августында (10.00)  Татарстан Язучылар Берлегендә (Тукай клубы) «Россия Федерациясе мәдәниятендә милли әдәбият» дип исемләнгән Түгәрәк өстәл утырышы була. Утырыш Казанда 27 – 30 август көннәренә билгеләнгән, массакүләм матбугат чараларының Федераль  агентлыгы ярдәмендә тормышка ашырылучы махсус программага кергән  Милли әдәбиятләр фестивале кысаларында уздырыла.

Түгәрәк өстәл.

Тема:

«Россия Федерациясе мәдәниятендә милли әдәбият»

Алып баручылар:

Алексей Владимирович Саломатин, шагыйрь, тәрҗемәче, филология фәннәре кандидаты. Казан шәһәре;

Алексей Андреевич Арзамазов, шагыйрь, тәрҗемәче, филология фәннәре докторы, профессор, Удмурт тарих, тел һәм әдәбият институты хезмәткәре. Ижау шәһәре.

 

Катнашучылар:

1. Мөхәммәт Әхмәд улы Әхмәдов, авар шагыйре, тәрҗемәче, тәнкыйтьче, публицист, Дагыстан Язучылар берлеге идарәсе рәисе.  Махачкала шәһәре;

2. Сувайнат Мәүлетдин кызы Кюребекова, табасаран шагыйре, Язучылар берлеге сәркатибе, «Дагыстан хатын-кызлары» журналы мөхәррире. Махачкала шәһәре;

3. Олег Гаврильевич Сидоров, якут журналисты, язучы, «Якутия язучылары» Ассоциациясенең идарә рәисе. Якутск шәһәре.

4. Инесса Ильинична Томская, юкагир халык җырчысы, Юкагирлар Ассоциациясе рәисе, азсанлы җирле халыклар театры артисты. Якутск шәһәре;

5. Галина Сергеевна Бабурова, журналист, веп шагыйре, актриса. Петрозаводск шәһәре;

6. Татьяна Петровна Швецова (Мокшанова), эрзя шагыйре, тәрҗемәче. Саранск шәһәре;

7. Раиса Константиновна Орлова, мокша шагыйре, тәрҗемәче. Саранск шәһәре;

8. Надежда Павловна Большакова, коль-саам язучысы. Мурманск шәһәре;

9. Наталья Николаевна Чебелькова (Чорос), телеут җырларын башкаручы, Халыкара конкурслар лауреаты. Кемерово шәһәре; 

 10. Инга Александровна Артеева, музыкант, язучы, Нарьян-Мар шәһәре; 

 11. Баир Сономович Дугаров, язучы, шагыйрь, тәрҗемәче, этнограф. Улан-Удэ шәһәре;

12. Николай Джамбулович Санджиев, калмык шагыйре, прозаик, Калмык Республикасы Мәдәният һәм Туризм министры урынбасары. Элиста шәһәре;

13. Мария Кузьминична Волдина, чичән, хант халык җырларын башкаручы. Ханты-Мансийск шәһәре; 

 14. Светлана Селиверстовна Динисламова, манси шагыйре. Ханты-Мансийск шәһәре;

15. Алексей Андреевич Арзамазов, шагыйрь, филология фәннәре докторы, Удмурт тарих, тел һәм әдәбият институты хезмәткәре. Ижау шәһәре.

 

 

 

Шимбә, 11 Август 2018 08:47

Бәчектә әдәби бәйрәм була

Бүген Татарстанның Яшел Үзән районы Бәчек авылында әдәби очрашу уза. Бу авылда Габдулла Тукайның Саҗидә апасы яшәгән. Бәчек аның истәлеген кадерләп саклый. Авылда әдәби, мәдәни чаралар, күренекле каләм ияләре белән очрашулар инде традициягә әйләнгән. Бүгенге чарада Татарстан Язучылар берлеге рәисе Данил Салихов, Г.Тукай премиясе лауреатлары Гәрәй Рәхим һәм Ркаил Зәйдулла; Рифат Җамал катнаша. Бәйрәм 13 сәгатьтә башлана.

Шимбә, 04 Август 2018 08:23

Юбилей котлы булсын!

Бүген Татарстанның халык шагыйре Равил Фәйзуллинның туган көне. Мөхтәрәм каләм иясенә -75 яшь! Юбилярыбызга саулык, байлык, иҗади тынгысызлык телибез!

Сишәмбе, 31 Июль 2018 09:42

Флера Тарханова вафат...

Кайгылы хәбәр... Каты авырудан соң шагыйрә Флера Тарханова вафат булды. Мәрхүмә белән хушлашу иртәгә -1 августа 10 сәгатьтә Г. Тукай исемендәге Татар дәүләт филармониясендә була. Шагыйрә туган ягында - Чистай районы Яуширмә авылында җирләнәчәк. Мәрхүмәнең туганнарының тирән кайгысын уртаклашабыз...

Хөрмәтле дуслар!

Бүген Арча районының Өчиле авылында, "Ахун чишмәсе" янындагы буада "Фәйзуллин йөзүләре" узачак. Татарстанның халык шагыйре Равил Фәйзуллин башлап җибәргән, инде традициягә әверелгән, быел кырыгынчы тапкыр узучы спорт һәм әдәбият бәйрәмендә язучылар, сәнгать әһелләре, журналистлар катнаша. Оештыручылар -Арча районы хакимияте һәм Татарстан Язучылар берлеге. 

Башлана - 12 сәгатьтә.

Бәйрәмгә рәхим итегез!

Страница 3 из 115
Союз писателей РТ