Админ

Пәнҗешәмбе, 21 Май 2015 12:05

Шагыйрь рухын зурлап

15 нче май көнне каһарман шагыйрь Нур Баянны искә алырга килгән мәртәбәле кунаклар, каләм ияләре, әдәбият сөючеләр, укытучылар, китапханәчеләр һәм мәктәп укучылары Актаныш мәдәният сараена җыелды.

Сишәмбе, 19 Май 2015 15:05

Әдәби сүз бәйрәме

     13 май көнне Мөслим районы Татар Шуран урта мәктәбендә язучылар белән очрашу кичәсе үтте.

     Әдәбият елы уңаеннан оештырылган әлеге кичәгә Татарстанның халык язучысы Фоат Садриев, шагыйрь Мөҗәһит Әхмәтҗанов, шагыйрә Лилия Садриева, язучы Айгөл Әхмәтгалиева чакырылган иде. Балачак хыялларына ирешү өчен нәрсә таләп ителә, хәзерге заманда китап кадере һәм аңа мөнәсәбәт, шигырьнең тәэсир итү көче, әдәбиятка элекке һәм бүгенге мөнәсәбәт – очрашу барышында сүз әнә шул хакта барды.

Сишәмбе, 19 Май 2015 13:10

Бер күрешү – үзе бер гомер

                                    Бер күрешү үзе бер гомер дип,

                                    Бабайлар бит юкка әйтмәгән.

                                    Бер очрашып, серләр бүлешү

                                    Бу гадәтләр әле бетмәгән.

     Күңелдәге хисләр ташкыны дәфтәр битләренә төшә, укучының нечкә күңел кылларын тибрәтә, илһам уята, яшәүгә көч бирә.

     18 майда Язучылар берлегендә кызыклы гына очрашу булды. Петербург университеты чакыруы буенча Россиягә килгән Монголиянең танылган язучылары Лувсандамба Дашням һәм Дарма Батбаяр илләренә кайтышлый Казанда булып, татар язучылары белән очраштылар.

Дүшәмбе, 18 Май 2015 11:07

Изге гамәл

     Яңа бистәдәге татар зираты халкыбызның күп кенә данлыклы улларын фани дөньядан соң үзенең изге җиренә сыендырды. Аларның исемнәре онытылмый, каберләренә дә эзләр суынмый.

     15 майның җомга иртәсендә язучылар, композиторлар, мәдәният министрлыгы хезмәткәрләре зиратка мәрасим кылып, каберләрне тәртипкә китерделәр, чистарту эшләрен башкардылар.

     Шимбә өмәсе тәмамлануга матур гына яңгыр явып үтте, яшен яшьнәде. Димәк, изге гамәл күкләр тарафыннан да кабул ителеп, дога булып әрвахлар рухына  барып ирешкән.

   

     14 майда Язучылар берлегенең идарә утырышы үткәрелде. Аны берлек рәисе Рафис Корбан алып барды. Ике идарә арасында башкарылган эшләргә хисап ясалды.

     13 майда проза остаханәсенең чираттагы утырышы үткәрелде. Ул милли әдәбиятыбызны төрле телләргә тәрҗемә итү мәсьәләсенә багышланган иде. Утырышны остаханә җитәкчесе, язучы Нәбирә Гыйматдинова алып барды.

Чәршәмбе, 13 Май 2015 11:07

Җиңү марафоны

Ил-җир буйлап сугыш йөрде,

Эзләре җанда, исән.

Дөнья кабат шартлар сыман

Үткән елларга тисәң... –

дип язган шагыйрь Хәниф Хөснуллин Бөек Ватан сугышы турында. Быел исә җиһанда 70 нче Җиңү язы! Шул уңайдан 8 нче май көнне Чаллы телерадиокомпаниясенең “Күңел” радиосы Муса Җәлил исемендәге Үзәк китапханә белән берлектә республикакүләм “Бөек Җиңү көне” дип исемләнгән радиомарафон оештырды.

Пәнҗешәмбе, 07 Май 2015 12:31

Бөек җиңүнең 70 еллыгына багышлап

Фронтовик әдипләр. 27 апрель, 1947 ел.
Беренче рәттә (сулдан): Ә.Маликов, М.Мазунов, С.Хәким, З.Шаһимуратов, М.Хөсәен, Ш.Мөдәррис. Икенче рәттә: Х.Садрый, Ш.Маннур, Ә.Ерикәй, А.Шамов, Р.Ишморат, Г.Бакиров. Өченче рәттә: Г.Әпсәләмов, Г.Насрый, Ә.Айдар, А.Әхмәт, В.Зимной, Х.Госман. Дүртенче рәттә: Ә.Еники, Ә.Исхак, Ә.Фәйзи, Х.Шабанов.

Страница 91 из 121
Союз писателей РТ